مكونات العجينة
٤ كوب دقيق يستحب جدا الضحى
بيضتين
كوب سكر
نص كوب زبدة مذابة
معلقتين صغيرين ملح
كوب لبن
معلقتين خميرة فورية ياريت كيس مغلق زي اللي في الصورة مش شرط نفس النوع المهم يكون مقفول عشان المفعول
ننزل باللبن والبيض والسكر والزبدة ونضربهم عادي جدا ينفع طبعا نعملها بمضرب البيض عادي جدا بس بنسهل علي الي معندوش مضرب وخدو بالكو من الغلطه الي وقعت فيها حطيت اللبن بارد لكن هو لازم يكون دافي عشان الخميرع تتفاعل
ننزل بالخميرة ونكمل ضرب وبعد كدا الدقيق والملح
ونعجن عجنة كويسة ونحطها في بولة مدهونة بمادة دهنية
ونغطيها ونسيبها تخمر تلت ساعة في مكان دافي وياريت
لو المكان ده يكون الفرن بعد مانولعو دقيقتين ونقفل عشان
يدفي
نطلعها بعد ماخمرت ونلاقيها مغرية بالمنظر دا ونفردها
نيجي بقى للحشوة
زبدة
سكر بني " هاقولكم بيتعمل ازاي في الصورة الجاية"
معلقتين قرفة
عين جمل "بيدي طعم عالمي زي الاصلية"
طريقة عمل السكر البني
كوب سكر
معلقتين عسل اسود ونخلطهم كدا هاتبقى سكر بني
نخلط السكر البني مع القرفة
بعد ما فردنا العجينة نفرد الزبدة وننزل بالسكر بالشكل دا
ننزل بالعين جمل المفتت كدا ونلف بالرااااحة خالص عشان دي عايزة تتعامل بالعقل جدا عشان عين الجمل ميخرمش العجين
ونقطعها بسكينة حامية جدا بالشكل دا قطع متساويه
ونرصها في صينية ونسيبها ترتاح تقريبا ربع ساعة
حجمها هايكبر بالشكل دا وندخلها الفرن على نار عالية لمدة
تلت ساعة علي 180 درجه
دي بقى مكونات التوبينج
كوب جبنة كريمي اي نوع انا استخدمت نوع اسمه
الدمياطي ينفع اي نوع بس ميكونش فيه نكهه زي الفلفل
والزيتون والطماطم لا لازم تكون ساده
كوب سكر بودرة
كوب زبدة
معلقة فانيليا اكستراكت سايلة لو معندكيش ومش لاقيها
ينفع عادي بودره بس يستحسن السايله طعم وتأثير تاني
ننزل بالجبنة في الخلاط ونخلطها شوية وبعد شوية ننزل
بالزبدة وبعدين السكر وفي الاخر الفانيليا
تطلع بالشكل دا
واول ما السينابون يطلع مالفرن ندهنه على طول بالتوبينج
وهو سخن عشان يسيح عليه
نزينه بالعين جمل
و يتقدم بالشكل دة
ليست هناك تعليقات:
إرسال تعليق